Navigieren auf Risch

Inhaltsnavigation auf dieser Seite

Navigation

Urkunde von 1410

Urkunde von 1410

Transkription

«Wir der amman, der ratt vnd die burger gemeinlich von zuge verychen offentlich mit disem brieff im vnd hienach vnd tun kunt allen den in ansehend, lesend oder hörend lesen dz wir dien erbern lütten ennet sewes, vnsern lieben burgern vnd allen den, so guotter in dem twing ze gangoltswile hand, die rechtung an dem hof ze gangoltswile ze kouffen geben han vnser rechtung als wir die koufftt von johans meiger seligen von knonouw wilent burgermeister der stat zürich, den si aber von hartman von hünoberg ankomen ist vnd ist lechen von der herschaft von österrich dahar si im ouch geuerrget ist als vnser brief wol wiset dieselben rechtung vnd die verlegnen zinse so si do von schuldig waren han wir in ze kouffen gen vmb sächse vnd drissig gulden in der verschaft ie zwentzig blappart für ein gulden die si vmb gar vnd gentzlich gevert vnd bezalt hand vnd darvmb so entzichen wir vns derselben rechtung an den hof ze gangoltswile vnd ouch der verlegnen zinsen vnn der zinsen vnd stüren so si fürbas nach dem hoff recht tun solten gen me nit vorbehebt wan allein vasnacht huoner vnd den twing, die gerichtt als dan harkomen ist dz han wir vns vnd vnsern nachkomen vorbehebt, aber wz der anderen rechtung ist als dz harkomen ist vnd wir von den egnantt iohans meiger seligen köuft han dz han wir inen gentzlich ingeben vnd [?] vns gen inen gar vnd gentzlich vnd wo nachkomen so sie [?] für vns vnd vnser nachkomen, vnd loben si mit urkund dis brieffs an [?] niemer me anzerueffen, weder mit geistlichen noch mit weltlichen gerichtt in dehein wise noch ane gerichtt, ieman schaff [?] von vnser wegen, alwegen vorbehebt die gerichtte vnd twinge vnn ierlich die vasnacht huoner, dz die har gen zug vnser stat volgen sol vnsern burgern als dz harkomen ist. Vnd dz ze vrkund, so han wir vnser stat insigel offenlich gehenkt an disen brief vns vnd vnsern nachkomen ze gezügen der obgenannt dingen im vnd hienach der geben ist zuge an dem nochsten mitwochen vor dem heiligen ostertag in dem iare do man zalte von Gottes geburt vierzehen hundert vnd do nach im zehenden iare.»

Urkunde von 1410
Bild Legende:
Urkunde von 1410

Weitere Informationen

Aktuell RSS abonnieren

Fusszeile